.+[لاتعتــــــــــذر]+.

من طرف الجنوبي292 السبت يناير 23, 2010 1:43 pm

. [لاتعتــــــــــذر] .

لاتعتذر مال الهجر منك تبرير
صدك بليا ذنب والله ظليمه 00

ماصارلي بعدك يفوق اي تصوير
تجددت كل الجروح القديمه 00

بعدك لعبي هاجسي والتفاكير
وقلب (ن)جريح وروح صب(ن)مهيمه 00

ماغير اسلي خاطري بالمشاوير
اروح وارجع والهواجس مقيمه 00

ياحبي اللي بين بيض الغنادير
لك في عروش القلب قدر وقيمه 00

ان كان صدك ماخذك عني لغير
روّح ولو ان الخساير وخيمه 00

وان كانها عني خذتك المقادير
فالعفو عند المقدره فيه شيمه 00

يامرحبا والحب كله معاذير
تشفع لك ايام الغرام القديمه 00

يوم الهوى لازارني منك أعصير
أضم في صدري من اجلك نسيمه 00

واليوم اصبر خاطر الوجد تصبير
واقول صدك عقب وصلك جريمه 00

ولاجاك مني ياهوى البال تقصير
مواقفي وياك والله عظيمه 00

صخرت لك مشاعر الشوق تصخير
وامطرتك بحبن تقفاه ديمه 00

وظللتك بجفني وصارت مسافير
يوم الغلا بين النديم ونديمه 00

واليوم ماتنفع كثير المحاذير
تفاغمت بين النفوس الحشيمه 00

عسى سنينك روض عشب ونواوير
محد لنفسه يرتضي بالهزيمه 00

اما تخاويني على الشر والخير
والا السلامه منك راس الغنيمه 00

من طرف خالد... الثلاثاء يناير 26, 2010 3:53 am

وان كانها عني خذتك المقادير
فالعفو عند المقدره فيه شيمه 00

يامرحبا والحب كله معاذير
تشفع لك ايام الغرام القديمه 00

يوم الهوى لازارني منك أعصير
أضم في صدري من اجلك نسيمه

صح للسااان كاتبها

ولا هاااان ناااقلها

لا تحرمنا يالجنوبي من ابدااعك

واختيارك الموفق

من طرف سفير الاحساس الثلاثاء يناير 26, 2010 1:26 pm

صح لسانك ياالجنوبي

من طرف سمو الاحساس السبت يناير 30, 2010 3:40 pm

لاهنت يالجنوبي

.+[لاتعتــــــــــذر]+.

.+[لاتعتــــــــــذر]+.

رد: .+[لاتعتــــــــــذر]+.

رد: .+[لاتعتــــــــــذر]+.

رد: .+[لاتعتــــــــــذر]+.