فياض العشق

شاعرالوزن الثقيل/سلطان بن محمد الهاجري

ألا يا بحر .. يا بحر الخليج اللي على شاطيك
غلاه أغلى من أمواجك و لولوك و مرجانك
و أنا يا بحر يوم آفز إلى من مر لي طاريك
على شان الغلا اللي في طرفك ما هو على شانك
تحياتي و شوقي يا فياض العشق ذيك و ذيك
أسج الرجل يمك و ألتفت في بيت جيرانك
رعاك الله يا بيتٍ ليا مني بغيت آجيك
توقفني تقاليد القبايل دون بيبانك
يا ليتك ليلٍ أسود كان أسجك بالقدم و أسريك
لكنك بيت طين و حاجتي من بين جدرانك
حفظت الجوهر الغالي و من سبة غلاه أغليك
و ألا يا كثر حبي لك و ألا يا صعب نسيانك
عزاي ليا ذكرتك حاضرك ما هو بمثل ماضيك
ذكرت الفيضة اللي تجمع الأحباب بوزانك
تعنيني لك الذكرى و أجي من ديرتي ناصيك
و باعطر قصيدي من شذى وردك و ريحانك

لاهنت يا سمو الاحساس على الطرح الجيد

من الشاعر الجزل

تحياتي

مشكور ويعطيك الف عافيه