أجمل ماقيل في النصح والحكم

من طرف الجنوبي292 الثلاثاء يناير 26, 2010 10:05 am

السلام عليكم ورحمة الله وبركاته
نقلت لكم هذه المقطوعات وهي من أجمل ماقيل في النصح والحكم
واتمنى أن تنال على إعجابكم

أحدٍ علـى جارة بخـتـري ونـــوار
وأحدٍ على جـارة صـفاةٍ محـيـفه
خطو الــولد مثل البليـهي ليا ثار
زودٍ على حمـله نقل حمـل أليفه
وخطـو الولد يامال قصاف الاعمار
لا نافـعٍ نفــسه ولا مــنه خيـــفه

مقحم النجدي الصقري

عـرب وليدك عـربه
والنار مـن مقباسـها
والعز بـوروك النساء
اللي عـريبٍ ساسـها
ينت الـردي لا تأخذه
لو هي طويلٍ راسها
............
لا تأخذ الهزلا على شان مالها
ولا تقتبس من نارهم بالــوقايد
لا تأخذ إلا بنت قـــومٍ حميأـده
لعل ولدٍ منها يجـي بالفـــوايد
راشد الخلاوي
,,
أبا أنذر اللي من ربوعي يبا الطـيب
لا يأخـــذ إلا مـن بيـــوت الشـــجاعة
يجي ولـدها مـــذربٍ كـــنه الـــذيب
عـــزٍ لأبــوه وكــل مـــا قال طـــاعة
وبنت الـردي يأتي ولدها كما الهيب
غـــبنٍ لأبــوه وفاشــلة بالجــماعة
ياكبــر زوله عـــند بيت المــعازيـب
مـتـحـــريٍ متـى يقـــدم مـــتاعـة
شالح بن هدلان
,,
لـولا الهرم والفقر والثالث المـوت
يا الآدمي بالكون يا عظيم شـأنك
لـولا الثالث شأن مـن قـدر الفـوت
نفــذت كل اللي يقـــوله لسانــك
محمد السديري
,,
أيامـــنا و اللـيالــي كـــم نــعاتــبـــها
شبنا وشابت وعفنا بعض الأحـوالي
بديوي الوقداني
,,
شــابــت لــحانا مـــا لحــقـــنا هــــوانا
وعزي لمن شابت لحاهم على مـاش
مناحي السهلي
,,
نعد الليالي واللـيالي تـعــدنا
العمـر يفنا واللـيالـي جــدايد
راشد الخلاوي
,,
بــرقٍ مصــدٍ لــو مـــزونه لها نــــور
لا تستخـيــله لـــو ربيــعك شــفاقه
مـن لا استشارك لا تعدّي له الشور
ومــن لا يـــودك نــور عينك فـــراقه
الدقيس الجميليه
,,
وعــدّة لقــــرمٍ ما تـــونــي مـــطاياه
يضــوي ولــو صكـت عليه النبــوحـي
وعـــدّه لمــن تــدفق السمـن يمـناه
عيـدٍ لمـن تــدفـق السـمــن يمـــناه
عيدٍ لــربـعه بالـــزمان الشحـــوحي
وباقي الرجال فحـول نسوان ورعاه
ضـباط مـال وحافظــين الســروحي
ذعار بن مشاري بن ربيعان
,,
من عافنا عفـناه ولــو كان غالـي
ومن باعنا بالـرخص بعناه بزهـود
مزنه بنت مكازي
,,
أحفظ دبشك اللي عن الناس مغنيك
اللــي لـيا بان الخــلل فــيك يــرفــاك
وأعــرف تــرى مـكه ولاها بــناخـــيك
لــو تطلب خمسة مـلالــيم ما أعطاك
والحـــر مثــلك مــا يصـــحب الــديــك
وإن صاحــبه عـاعـا مـعاعـات الأديـاك
بركات الشريف
,,
ليا عـاد مـا للـــرجال رأيٍ يـــدله
يأخـذ من أشوار الــرجال دليـــل
الشريف جري الجنوبي
,,
مـن عــود العــين المــنام تعـــوّدت
ومن عــود العـين المـساري تـعاود
ومــن عــوّد الصبــيان أكــل بــيــته
عاودوه في عسر الليالي الشـدايد
راشد الخلاوي
,,
حــيٍ يـــوريك المـــذله وتغلـــيه
أنا أشهد إنك مــيت القلب عامي
مــن لا يــودك لا تـــودة وتـــرجيه
أرفــع مقامــك ياعـــزيز المقامي
محمد السديري
,,
النــوم راس اللـــوم بان الـــردى به
واللي يبي الطـولات نومه شلافيح
الـــذيب مــا يـــرقد ورزقــه نـــهابه
يـــدور الغـــرات عنــد المـــصالــيح
واللــي يبا الطـــولات يتعب ركــابه
والعـز بأكـــوار النضا يأهــل الفــيح
مريبد العدواني
,,
مقام الفتـى في منصب العـز ساعة
ولا ألف عــام يصـحب الــذل صاحــبه
راشد الخلاوي
,,
الظفـــر ســاعة وإن حـل مـاجــــوبه
الناس ما تسقيك لا صــرت عطشان
ولا يشـرب المضمي كــود من ذراعة
أضـرب على الكايد ليا صــرت بحـلان
وعند الـولي وصـل الحـبل وإنقطاعة
عيبٍ على اللي يتـقـي عقب ما بان
وعيبٍ طمان النفس عقب إرتافــعة
عبيد العلي الرشيد
,,
فتـــى بـــلا عــــزمٍ حــياته مـــذله
والعـــزم لقلــوب الــرجال طبــيب
من لا صبر بالعسر ما ذاق يسـرها
وبــاب الفـــرج للصابـــرين قــــريب
محمد السديري
,,
مـــن حـــل دار الــناس حلـــوا ديــاره
لابـــد ما تـســــكن ديـــارة ويــغـــبن
ومن شق ستـر الناس شقــوا ستاره
ومن ضحك الثرمان يضـحك بلا سـن
شالح بن هدلان
,,
يا بايـعٍ جـــوخٍ على غـــير أهالـيك
مثــل الذي ينـــزل بقصـرٍ خـــرابه
ولد الـردي لو طاب لك لا تـماشيه
يــومـين والثالث يبــين الــردى به
مشعان بن هذال
,,
لاخـير في ديرة ٍ يشقى العــزيز بـها
يمشي مع الناس في هـمّ وإذلالي
عزَّ الفتى راس مــاله مــن مكاسبها
يامــرتضـي الــدّون لاعــزٍ ولامالـــي
لاتعمــــر الــدار والقـالات يخــربــهـا
بيع الردي بالخسارة واشــتر الغالي
بديوي الوقداني
,,
من فضـل ربي ماعشقت الرعابيب
مــدري طبع أو مبعدتنـــي قــلاعـه
خاويت شبان ٍ على الفطـر الشيب
كـما مــاردن جــيته تعـاوا ســباعـه
ياما لمسنا قــرصنـا بالمــشاعيـب
وياما دفعناهن ورا الشـمس ساعه
شليويح العطاوي
,,
ياحمـود للجيـــرة قوانيـن وسلـــوم
والله مانـرضى على السلــم ينهـان
الله نشد ياحمــود عن معـرفـة يـوم
وحنا ثمان اسنــين ياحمــود جيــران
ياحمود يظهر لك صديق ٍ مـن القــوم
ويظهر لك من الربع الموالين عـدوان
مفضي الحربي

وسلامتكم وأتمنى أن تكون نالت على أعجابكم
لكم ودي وتقديري..

من طرف شخص ثاني الأربعاء يناير 27, 2010 5:36 am

هذي من نوادر الحكم عند العرب

أجمل ماقيل في النصح والحكم

أجمل ماقيل في النصح والحكم

رد: أجمل ماقيل في النصح والحكم