ابـــــــــــن عــــــــمــــــــكـ ..

من طرف شخص ثاني السبت يناير 30, 2010 10:34 pm

ابن عمك لا أزعلك شرِّه عليه .. يقنعك بالحق ولا تقنعه
انشده وش جاه ولا ويش فيه .. انشده ولا تقاطعْه اسمعه
حتى لو انّه المخطي مَعَليه .. مشّها ما دامها تمشي معه
وكان قصّر وأنت عادك ترتجيه .. لا تقصّر فيه لا جاك انفعه
وكانك المخطي وهو رأيه وجيه .. اصبر ولو يوجعك لا توجعه
ساسه الطيّب على الطيب يحَديه .. ياصلك حتى لو انك تقطعه
وان بلاك الله برجّالٍ سفيه .. روح في سنعك وخله في سنعه
صد من وجهه علشان الوجيه .. ومن ضياق العقل إلى عقل السعه

.. عبد الله علوش