مالها داعي.......

يا امرؤ القيـس والله مالهـا داعـي
وشو له توقف على الاطـلال تبكيهـا






لاتقول ذكرى الحبيب بحجـة اقناعـي
وش تنفعك ذكريـات ٍ راح ماضيهـا






من صد عني حرام ان جيت له ساعي
دام المحاني تقـوم وجرحهـا فيهـا






القلب غبة بحـر والفضـل لشراعـي
مايلتفـت للحـدود اللـي يعديـهـا






بالمركب اللي صنعته بـس لأبداعـي
قبطان .. من وين مـا ودي اوديهـا






ويامرؤ القيس كان السـر باوجاعـي
بعض السوالف تموت بفـم راعيهـا






الفكر عزفي ونبض القلـب ايقاعـي
والشعر ونسة عمر والنـاس ترويهـا






وان كان صدت كذا عن روض مرباعي
لاتحلم اني اجيـب العـذر وارضيهـا






والله لو ان الجفا يلوي لـي ذراعـي
لاقطع ذراعـي لهـا والويـه بيديهـا






اهل النفوس العزيزه عشقهـا واعـي
ماتنحنـي للغـرام اللـي يوطيـهـا






ويامرؤ القيس .. ماتخفـاك الأفاعـي
تموت والسـم باقـي فـي علابيهـا






لابارك الله بعـذر ٍ جـرح اسماعـي
ولابارك الله بمن هو جـاب طاريهـا

اهل النفوس العزيزه عشقها واعي ماتنحني للغرام اللي يوطيها
أشهد انك صادق_وصح الله لسانك ياكاسب الطيب¤¤¤¤تقبل مروري¤¤¤

صح لسانك ابيات جميلة ورائعة
وشكرآ
لا عدمتك يالغالي

اهل النفوس العزيزه عشقهـا واعـي
ماتنحنـي للغـرام اللـي يوطيـهـا






ويامرؤ القيس .. ماتخفـاك الأفاعـي
تموت والسـم باقـي فـي علابيهـا






لابارك الله بعـذر ٍ جـرح اسماعـي
ولابارك الله بمن هو جـاب طاريهـا


الله على هذا النقل الرائع

صح للسان راعيها

ولا هنت على النقل المتميز

ولكن عندي سؤال؟

منو صاحب هذي القصيده؟

تقبل مروري

لا عدمناك