.!!! قصيده رائعه.!!!

يغنيك عن كثر الحكـي مجمـل ابيـات
ومـن يـاخـذ المضـمـون يلـقـى الادلــه
تدري وش اللي يقتل الـحـب بسكـات
لاصــرت فــي بـوحـك تـحـس بـمـذلـه
وتدري وش اللي يكسـر الظهـر حـزات
لامــن عطـيـت احـسـاس مـاهـو محـلـه
وتـدري متـى تستاهـل الطـعـن مــرات
لا مــن خطـيـت الــدرب وانـتـه تـدلــه
لا تتـبـع المقـفـي عـلـى كـــل حـــالات
بـعــض الـوجـيـه الـلــي تقـابـلـك عـلــه
ولا تسـال الغالـي عـن الـجـرح لا فــات
نـبــش الـحـكـي يـــزود الـطـيــن بــلــه
طالـع فمـن حولـك وتـاخـذ شـهـادات
مانـلـتـهـا لــــو تــــدرس الــدهــر كــلــه
ناس(ن) تجر مـن اسـود الضيـق ونـات
ونــــاس(ن) تـقـضـيـهـا ونــاســـه وفــلـــه
هــذاك شــال هـمـوم غـيــره ولا بـــات
وهـذاك مايـدري عــن احـسـاس خـلـه
احـدن يهـيـن اصـلـه عـلـى كــل زلات
واحـــــدن تــرومـــه شـيـمـتــه مـاتــزلــه
لا تقول حظي من عنا الوقت قد مـات
قــل مــات حــظ الـلـي عـنـاه استحـلـه
ولا ضاقت الدنيا وعلى الكيف ما جات
اطلـق احجاجـك ثـم توكـل علـى الله