ثلاث سنين...!

يسعد الله مساكم جميع

هذي ابيات كتبتها وكان لها موقف وحبيت انقلها لكم

عسى ان تحوز على رضاكم

اقول فيها...


صار الوصل ما بين نفسي وخلي
مثل العقيد اللي سبا القوم داره

منفي ولا له من ونيس يسلي
كود التوجد من لهيب الحراره

وليا ذكر قومه ومجدً مولي
قامت همومه بين تاره وتاره

ايون من جرحه وعينه تهلي
لقبل ظلام اليل واقفى نهاره

لا يا عزيزً ذله الوقت ذلي
شانه زمانه لين باح بوقاره

ميٌس من الأيام والقلب ملي
لا كنها الأقدار والعلم شاره

ويا كبدي اللي تلها الحزن تلي
ولها ثلاث سنين تشكي المراره

على وليفاً بالحشاء مستحلي
بين الضلوع ومستحل الصداره

اسوق عمري له وانا أجيه كلي
حيثه كبير بقيمته وعتباره

أغليه واحبه وهو جايزً لي
واعطي على وصله جزيل البشاره

هذا ترى يا صاحبي ما حصل لي
يابو محمد عز ضيفه وجاره

حرً ولك فوق الطويله محلي
يالنادر اللي فيه فن ومهاره

هذا ترى قولي ومنه استدلي
واخير من كثر الكلام اختصاره


وسلامتكمـــ


خالد...

مشرف الديوانيه العامه

صـــــــــــــح لسانك
ياخالد على القصيدة@@@@@@@@@@@@

ثلاث سنين

الله يصبرك يابوعايض

والعوض بالجايات

وصح لسانك ملايين

صـــــــــــــح لسانك ياخالد...ودائم وانت مبدع

صح الله لسانك يا خالد
ونت جزل والله يعوضك

تحياتي

خوي المطاليق

يا مرحبا ومسهلا يالغالي

وصح الله بدنك

شكرا على مرورك طال عمرك

لا عدمتك

ارحب يا بو حمد

وصح الله للسانك

ويسلم راسك

ومثل ما قال الشاعر

العوض فالمقبلات من الليالي

لا هنت على مرورك

الجنوووبي

ارحب تراحيب المطر

وصح الله بدنك يالشيخ

لا عدمتك

بااارووود

مرحبا يالغالي

صح الله بدنك ويسلم راسك

لا هنت يا غلاي على مرورك

لا عدمتك

اسوق عمري له وانا أجيه كلي
حيثه كبير بقيمته وعتباره

وانت كبير بقيمتك وشاعريتك

ولاهنت وصح لسانك