بدوي

بــــدوي




ياهجوس بين حدب الضلـوع إلهـا دوي

كن دويها سيل وادي معـا راس شرفـه


هيضتنـي وادخلتنـي طريـق ملتـوي
والدروب العـوج دايـم وراهـا تكلفـه


لابغيت اسري مع الليـل مـادور خـوي
الخوي رشاشي اللي معـه كـم سعفـه


مايخوفني عـواء الذيـب لاقـام يعـوي
ولا دخل قلبي من اعواه خفـه ورجفـه


كان قلب الذيب قاسي فانـا قلبـي قـوي
ذي صفات الذيب وانا معي مثلـه صفـه


بدوي واعيش واموت وانا ابـن بـدوي
ماتعلمت الضعافـه ولا عشـت ضعفـه


الليالي علمتني على المسـرى عشـوي
ماهتنيت براحـة البـال ورقـاد الدفـه


مهتوي مشي معا البيد واطويهـا طـوي
والمولع كل ماشـاف لـه بـرق شعفـه


مايوسع صدر راعـي الغـرام المهتـوي
غير مشي في قـرارة وشـراف طهفـه


ياوجودي والمحبة كـوت قلبـي كـوي
من وليـف جـر قلبـي وتلـه وحذفـه


جيت له عطشان بشرب من الماء وارتوي
في رجاء هرج هرج به من اول واخلفـه


كن عينه لا لحظني كمـا عيـن خلـوي
شايف الصقار يرمـي زريقـه وخطفـه


كنه مطـرق خيـزران زواهـا الله زوي
ينعطف ثوبه عن الساق من شي اعطفـه


مستوي بالعقل والزين واصبح مستـوي
ياعذابي مـن غـرام الهنـوف المترفـه

لا هنت طال عمرك على القصيده الجزله وصح السان قايلها

تحيـــــــــــــــــاتي لك،،،،،،،،،،،،،،،،،،،،

لاهنــــت
على هذا النقل المميــــــــــز يا ارقب وصالكـ

كان قلب الذيب قاسي فانـا قلبـي قـوي
ذي صفات الذيب وانا معي مثلـه صفـه

تـقـبــــــــــــــــــــــــــــل تحيـــــــــــــــــاتي

كاسب الطيب / خوي المطاليق

لاهنتوا على الردود وبيض الله وجيهكم

الجنوبي 292
هذه القصيده للشاعر ناصر المري وليست للشاعر محسن ابن فاره فقط للتنويه

وشكر لكم

بدوي واعيش واموت وانا ابن بدوي
ماتعلمت الضعافـه ولا عشـت ضعفـه
صح لسان الشااااااااااعر***
ولاهنت يالنااااااااااااااقل***

سعيد الهاجري
مرحبابك واسعدني تواجدك

مشكور يا ارقب وصالكـ
ويعطيك العافيه
تقبل مروري

سمو الاحساس اسعدني تواجدك

لاعدمناك