مبارك بن عيينان الهاجري

من طرف سمو الاحساس السبت يناير 30, 2010 12:01 am

أضرم لشوفه وحوذانـه وشيحـه
ضرمة الخاوي على دلـة مشبـه
رجم عشاق الهوى ربـي يبيحـه
شاهقٍ ما ضاق صدر اللـي يذبـه
كل همِ عن قفص صدري يزيحـه
والله إنه طب من عجـزوا بطبـه
أدهله من عـام الأول يـا مليحـه
واعشقه عشق الحبايـب للمحبـه
واختلط وجه اللصيقه والصحيحـه
كنه يعطينـي علـى الدنيـا منبـه
وانثر همومي على صلفات ريحـه
وامتلـك فيـه الحيـاة المستتبـه
وارتفع عن راعي الكف الشحيحه
واعتزل عن كلمة الجاهل واكبـه
يا حجا فكري عن أسراف القريحه
لا لبس عاري الجسم فالزور جبه
ويا بعد من فزعته فزعات صيحـه
آخر اعلومه علـى حبـه وحبـه
ويا بعد من زيفولـه فـي مديحـه
وانسجوله مدح في بطـن المسبـه
وارسلوا له من شريحة في شريحه
وعلمـوه ان الهـوى منـا مهبـه
وانثنوا دونه قبـل ياقـع مطيحـه
وارغمـوه بلعبـة وجيـه التشبـه
يا رجم تبقا على القـاع الفسيحـه
مرقب ما كـل خلـق الله اتربـه
ما جهلت حكام والنيـه صريحـه
واستبيح حمـاك مـن قبـه لقبـه
وان تهيجنتك شعر والشعر ويحـه
لا قصر بيته عن الجـزلات جبـه
ودوك سكيني على حلق الذبيحـه
ومن يشد شداد ريمه يقتضـي بـه
ودام صوانك شعم ضوك قديحـه
ما لك إلا لاطفـا جمـرك يشبـه
لن طيحة حيد من راسك فضيحـه
وما ورى الدرهام والزرفال خبـه
وحكمة العاقل وتقديـر النصيحـه
تجتمع في عالي الرجـم ومصبـه

من طرف شخص ثاني السبت يناير 30, 2010 12:19 am

صح لسان ابن عيينان

مبارك بن عيينان الهاجري

مبارك بن عيينان الهاجري

رد: مبارك بن عيينان الهاجري