محمد بن فطيس--كهربتني

ياللي دخلت السوق وقف بحاكيـك

وش ذا العيون اللي تسوي سوايـا

كهربتنـي بالعيـن الله يجـازيـك

نظرات شلت في ضميـري خلايـا

لولا فيوزٍ وسـط قلبـي توماتيـك

ما كان عيّـن مـن فـؤادي بقايـا

يفصل إلى من شاف هذي و هاذيـك

صادف مواقف من بنـات القرايـا

قالت تحمـد يـوم ربـي منجيـك

و لا توقـف فـي طريـق الصبايـا

قلت الصبايـا والمزاييـن تفديـك

ما شفت عينك فـي جميـع البرايـا

قالت هذي عيني عسى الله يقويـك

و شلون لو بتشوف باقـي المزايـا

لكن مادامك مومن القلـب بسويـك

رح في طريقـك والنوايـا مطايـا

والا ترى بتعبـك واعلـن تحديـك

و أشوف قلبـك بيتحمـل حلايـا

قلت اسمعي: وان فزت .. قالت : بكافيك

على حسابـي مـن محـل الهدايـا

بس انتظر لحظه بسيطة و أرويك

ثم أظهرت ثغـرٍ زهتـه الثنايـا

قلت انتبـه ياقلـب منهـا توطيـك

و اسمع صداه يصيح خلف الحنايـا

ثم انفجر جـد الفيـوز التوماتيـك

و اقفت و أنا اجمـع بقايـا الشظايـا

مشكور على القصيدة الرائعه وصح لسانك ولسان قايلها
وننتظر جديدك