محمد بن خلف الخس والصمان (جديده)

من طرف شخص ثاني الأحد يناير 31, 2010 10:18 pm

اعزائي احب ان اضع بين ايديكم قصيدة الشاعر

الكبير / محمد بن خلف الخس ( البستان ) والتي تتكلم

عن الصمان وعن سلوم مطير ومفاخرها :

حنا سمعنا الحكي من كـل هـذار ****ناس تبـا تطمـع بنـا واتحدانـا

ناس تقول الدار ماهـي لكـم دار ****والدار دار جدودنـا هـم وابانـا

الدار من ساقـان للباطـن حيـار ****ملكن لنا دايم وهـي فـي حمانـا

موسعين حدودها يميـن ويسـار ****غصبن على العدوان محدن عطانا

راسين فيهـا ماتخوفنـا الانـذا ر****لـو اننـا سهليـن كلـن وطانـا

لابكّر الوسمي ونبتـن الاشجـار****وتخالـط المكنـان والقحويـانـا

ونبتت فياض الصلب صمعا ونوار****وحزومهـا ملّـيـح وقليقـلانـا

نرعاه بأقطاعن وسيعات الانشـا****رقطعان كسب جدودنا مـن عدانـا

ماوالله احدن بطرفه يشعـم النـار****الا مطيـري طلـيـق اللسـانـا

محدن يطبه كود منهو لنـا جـار****يرعى وهو متـذرّي فـي ذرانـا

دامه قصير بيوتنا مطلـق اشكـار****يرعى ومستانس بأمـان وطمانـا

من طيبنا للجار عنـده لنـا كـار****يمحا عن الدنيـا وهـو مانسانـا

متيّهين الجـار مهديـن الاعمـار****حنا وحنـا اللـي بعيـدن مدانـا

وسلومنا نفخر بها قدم من سـار****للضيف والمنيـع ناسـم عصانـا

يروح منا لين يقطـع لـه ديـار****بوجيهنا يمـرح ويسـرح بأمانـا

ودخيلنا مايقربـه طالـب الثـار****ياخذ سنه محدن لمسـه المسانـا

هذي سلوم مطير وافين الاشبـار****لطّامـة الضـد العنيـد لطمـانـا

وحنا هل الصمان وعيون عمّـار****فالنار وانكانـه زعـل ماشقانـا

حنا حماه انكان عج الرمـك ثـار****يدرون عما اقـول كـل احددانـا

ياللي تبا الصمان يمناك والحـار****دونـه معيّيتـن سواعـد لحانـا

حامينها علوى على قحص الامهار****ياويل من يوحـي عليهـن ندانـا

حامينها فـي كـل شلفـا وبتـار****ومطير حمـران النواظـر ورانـا

بقيـادة اللـي للطوابيـر كسـار****زعيم كـل مطيـر قبـل الخوانـا

هو الدويش اللي مثاره ليـا ثـار****يكسر عروشـن كبـارن متانـا

فيصل ولد سلطان ماهو فالاقطـار****اليا وصله العلـم يقـف اوقفانـا

مقدم جموعن كنها خشم سنجـار****وخيلـن تبـارا كنهـا الديدحانـا

خيلن عليها كل فـارس ومغـوار****بظهورهـا فرساننـا وومـرانـا

مكسرة راس العدو ليـن ينهـار****ماهوب توه مـن قديـم الزمانـا

الحر الاول عقب خلافـه احـرار****ماكن الاول غـاب عـن المكانـا

عيال ابوسطره على الارض حضّارا****لله منـهـم لايخـيّـب رجـانـا

لو ان للافعـال دربـن ومعبـار****كان فعلـوا مثـل الـذي للجنانـا

مع لابتن عاداتهم دوس الاخطـار****لو قدمهم نـارن تغلـي اغليانـا

جزّاعتـن بتّاعتـن دمهـم حـارر****جالهـم لامـن نخـي ماتوانـا

حنا مطيـر مطوّعـة كـل جبـار****كم شيخ قومن طاح فـي ملتقانـا

يهتز من صولاتنا اللي ورا الطـار****يعـرف مراجلنـا وبعـد مغزانـا

ثلاثة اشهر نجتلد فـوق الاكـوار****هل الفعـول المعجـزات عقدانـا

كم جنبتن خذولهـا جـل وبكـار****البعـد دون حدودهـا ماحـدانـا

من عقدانا قاطع السرح مسمـار****مبيّد الهجـن الخفـاف السمانـا

حيثه يوديهن مـن ديـار لديـار****يقطع بهن سرح العـدود اقطعانـا

ومثل بن لامي قاطع السرح لاغار****مصبّـح العـدوان فأيـة مكانـا

ماهو مغزا واحد مرارن وتكـرار****هـو وعقدانـا متعبيـن الهجانـا

كسّابة البل فـوق نسّـاع الازوا****ريشعون قطعان الحفيـف اشعيانـا

ولاينسّون اللي للأضـداد جٍـزّار****حماة الضعون ان طار عقل الجبانا

جهز وبن جبرين فرسان وخيـار****مقدم جموعن كبر ضلعـان ابانـا

وبن بصيّص مودع عـداه دمّـار****ماهـو بقـول فـلان والا فلانـا

مقدم جموعن مالها كـل حكّـار****بفعولهـم يامطيـر مايستهـانـا

الله مسلطنا على روس الاشـرار****مـن مبتدانـا قبـل لامنتهـانـا

والله يالولا اللي حكم كل الامـدار****عبدالعزيز اللـي حكمنـا وولانـا

انّا لنفعل فبعـض العالـم انكـار****فعلـن يشوفونـه عيانـن بيانـا

حريبنا لو له مـع الشـط معبـار****سرى قبل وقت السحـر ماتنانـا

يرثع قعـوده ويتلفـت ليـا نـار****مايقظبه حبـل الحقـب والبطانـا

يدريبنا اللي مادرى قبل وش صار****لايحسبـنّ سكاتنـا هـو جدانـا