الشاعر الكبير سعود البدر

الشمس غابت وانا فوووق المراقيبي = بغــيت توسيعة الخاطـر وضايــقــته
اللــيل مقـــبل وانا ياقــل ترحيــــبي = يالـيت فــارقت هـاجـوسـه وفــارقـته
اسـدل ستاره وهـاجــوسه بيسـريـبي = وضلــوع صدر الشقـي ماهيب طايقته
هواجــس الــليل تقبل بي وتقـفي بي = وين انت ياللي هواجيسي مـصادقـته
وين انت يــاللي تحضر ايام وتغيبي = ويـن انت ياللي عـروق القلب عاشقته
ان كان قصدك من الهجـران تعذيبي = يكــفيــني اللـي من الايـــام قــد ذقــته
يكفـيني الظـلم من ربعـي واقــاريبي = ويكفي طعون الغدر من شخص رافقته
ويكفي ترى الهــم والعـله معـــازيبيى = والقلب مني هجوس الليـــل ســـارقــته
شـف سيف الايـــام طاعـني ومبطيبي = والحــظ الاقشر صدوف الـوقت مـاحقـته
ومن جور غبر الليالي ياكثر شيبي = يكــفي ويـكـفي عــلى من عـذبه وقـته
امسي على الهم والا الهم يمسي بي = اعتقت دمع الحـزن والحـزن مااعتقته
يمشي بي الليل مدري وين يمشي بي = اللــيل خيــمة حـزن وطيوفك اروقـته
بعــثرني الوقت تكفى عيد ترتيــبي = لــمـلم بقـايــا خـفـوقٍ فــيك عـــلــقته
لملم جروحي قبل للنــاس تدري بي = ياللي خفوقي على اللــوعات قد سقته
ان كنت تنوي الصدود ان كنت تنوي بي = بــاب الغــلا اللي فتحته ليه مااغـلقته
اما اعترف بالذي ناوي تسوي بي = او رد قــلبٍ بـدون شــعـور قـد بـقته
الصد عقب الوفا منفا وتغريبيى = والــوصل ضمة غــلا تحيـي معانقته
ياوجد حالي عليك وياكثر طيبي = حطــيت قــلب الــوفا بيديك واحــرقته
احرقت ثلثين قلبي مع محاديبي = بـقالي الثـلــث واشــوى اني تــلاحـقته
يابري حالي وش اللي مخفيٍ غيبي = ياويــل منهو هــمــوم الــوقت لاحقته
ماحد من الناس يشعر بي ويدري بي = كـتبـت هـمي قصيد ونــاحت اورقته