شاعر الخيال سعود البدر

]الــغروب.... اصدق تعــابير الوداع=

والهجوس ..اطول مشـــاويرالــســهــر

ماورى كثــر الهجوس الا الخدااااع=

وماورى حدب الضــلوع ألا القــهــر

السنـيـــن تمر مــن دون اجتمــــاع=

والسنــه تمضي شهر ..تلو الشــهــر

كم مضى من ليل ولا كــم ضــاع=

كم طوت كــف الرجـــاوي من دهــر

كم سريتــك شوق ياالسود الوســاع=

وكم فرشت الدرب لك ورد وزهــر

للــعـــواذل ..لا اجـــيد الاستمــاع=

وبالظهر ياكثـــر طعنااااات الظهـر

شاربٍ من كـاس حبك بـأقـتـنــاع=

لين صار بجوف محبوبك نـــهــر

اعشقك كــلي الى حــد الــنخـــاع=

وشاعرك بالشوق والـــوجـد اشتهر

كلبوا ضــلوعي على الضمه جياع=

وشب نــار الشوق قلبي ...وانصهر

وكلبوا عرووووقي من اللهفه شباع=

ياعيون الحــر الاشقــر لاشـــهــر

ياالوفــا ياالشــوق ياحــلو الطبــاع=

ياجمــالٍ تــل قــلـــبي.... وانبهــر

ياجديــلٍ فيه مــن لــون الشعـــاع=

الذهــب قــد غـــار منه ...وانقهــر

الغلا ..لو كــان يشرى او يبــاع=

ماتركــت القلــب بكفـوووفك مـهــر

وانت تامــرني بـما لايســـتطـاع=

والزمن عــن وصلك الغالي نـهــر

في امان الله بهديــك الوداااااااع=

بس والله ماهـقــيت اصبر شــــهـــر
ســعـود البــدر